Dwi am fod yn wenynwr!


Mae angen dau ddiwrnod llawn i ddysgu hanfodion  cadw gwenyn. Gall y rhain fod yn ddyddiau olynol neu ar wahan. Caiff niferoedd eu cyfyngu i ddim mwy na phedwar i sicrhau sylw unigol a digonedd o gyfleoedd i holi cwestiynau myfyrio a gwneud cynnydd.

Cynhelir y diwrnodau hyfforddi o ddechrau Ebrill hyd at ddiwedd Awst a chynhelir cymysgedd o dasgau ymnarferol a theori yn ystod y ddau ddiwrnod. Yn ogystal â'n gwenynfa hyfforddi pwrpasol, mae rhai o'n chychod gwenyn o dan gysgod. O ganlyniad, gallwn barhau â'n hyfforddiant beth bynnag wna'r tywydd. Disgwyliwn i chi allu archwilio cwch ar ben eich hun (o dan oruchwyliaeth, wrth gwrs!) erbyn diwedd eich ail ddiwrnod o hyfforddiant.


Byddwn yn cynghori dechreuwyr i beidio â phrynu gwenyn cyn mynychu'r cwrs. Fodd bynnag, gallwn awgrymu ble y gallwch brynu gwenyn a'u harchebu o flaen llaw. Yn yr un modd, gallwn eich cynghori cyn prynu offer a siwt. 

Cynnwys y cwrs 

Ar y cwrs hwn byddwch yn cael eich mentora drwy'r pynciau canlynol, sy'n hanfodol ar gyfer llwyddiant a mwynhad eich blwyddyn gyntaf o gadw gwenyn: -
  • Cylchdro bywyd ac anatomi'r gwenyn
  • Adeiladwaith y cwch gwenyn cenedlaethol
  • Offer a dillad amddiffynnol
  • Sefydlu gwenynfa
  • Cyflwyno'r gwenyn newydd i'w cwch
  • Archwilio cwch gwenyn
  • Rheoli'r gwenyn yn eu blwyddyn gyntaf
  • Tasgau tymhorol, gan gynnwys, rheoli heidio, paratoi ar gyfer y gaeaf a rheoli plau.
  • Gofynion statudol
Pwysigrwydd  rheoli heidio

Mae llawer o wenynwyr yn ystyried bod heidio yn ddigwyddiad anochel. Yn anffodus, mae'n arwain at golled sylweddol o wenyn gan effeithio ar gynnyrch mêl. Ar ben hynny, gall yr angen i gael gwared ar heidiau o adeiladau achosi trallod, anghyfleustra, gwaith strwythurol a chost i gymdogion. Ar ein cyrsiau, rydym yn pwysleisio pwysigrwydd rheoli heidiau ac yn rhannu gyda chi arferion rheoli effeithiol  sydd i bob pwrpas yn cael gwared ar heidio.
  • Mae hwn yn digwyddiad pob tywydd
  • Cost, £195 y person am y ddau ddiwrnod,
  • Uchafswm o 4 person
  • Grwpiau mwy drwy drefniant
  • 10:00 - 16:30 
  • Gellir cynnig dyddiau amgen i grwpiau o 2 neu fwy
  • Defnydd o ddillad amddiffynnol
  • Ffolder o nodiadau cynhwysfawr  i gydfynd â'r cwrs a dolenni at ddeunydd darllen pellach, os hoffech
  • Cysylltwch drwy alwad, neges destun neu ebost i drefnu eich hyfforddiant neu i brynu tocyn anrheg.
  • Yn cynnwys ymweliad â safle eich darpar wenynfa os hoffech
  • Gwahoddiad i ymuno  â grwp whatsapp preifat am gefnogaeth i'r dyfodol
  • Tocyn anrheg ar gael ar gyfer y cwrs hwn


Dyddiadau cyrsiau dechreuwyr yn 2026


Ebrill - 4&5; 15&16

Mai - 2&3; 13&14; 23&24

Mehefin - 6&7; 10&11

Gorffennaf - 11&12; 22&23

Awat - 5&6; 22&23




Sut i archebu


  • Dewiswch ddyddiad addas.
  • Gwiriwch argaeledd trwy glicio ar y ddolen Ymholiad Argaeledd hwn.
  • Byddwn yn cadarnhau argaeledd neu'n awgrymu dyddiadau amgen drwy e-bost.
  • Mae angen blaendal na ellir ei ddychwelyd o £65 y pen i sicrhau lle ar gwrs.
  • Gellir talu drwy fancio ar-lein i gyfrif Starling Bank Rhif 48221226, cod didoli 608371, enw cyfrif Busnes Dafydd Jones.
  • Defnyddiwch eich enw fel cyfeirnod.
  • Fel arall, ffoniwch 07816 188573 i dalu gyda cherdyn.
  • Gellir talu'r balans o £130 y pen gyda cherdyn wrth gyrraedd.